Hvað er eiginlega í vatninu hjá þessum alþingismönnum

Þeir virðast allir verða veruleikafirrti um leið og þeir komast á þing. Borgararflokkurinn málpípa pottaglamrara er horfinn og er líklega í einhverju kokteilboði , vinstri grænir sem virkuðu ferskir og staðfastir eru ekkert nema ..... ja ég veit ekki hvað og samfylkingin er steinþögnuð.

Það er ekkert gert. Einu lausnirnar fyrir almenning er að lengja í hengingarólinni. Í staðin fyrir að borga lánið á 10 árum þá er verið að hlekkja fólk til æviloka í skulda fen. Fólk sem keypti sér kannski smá bíl eins og Kia eða eitthvað þessháttar og skuldaði áður 2 miljónir skuldar núna 4-5 miljónir í þessari bíldruslu og meirihluti launa fara í að greiða okur vexti og verðtryggingu. Því ef bíllinn er tekinn þá skuldar þú samt 4-5 miljónir. (bíllinn varð allt í einu verðlaus eftir ástandsskoðun) 

Allir eru að bíða eftir kraftaverkinu því stolt íslendina er þannig að enginn gefst upp fyrr en í fulla hnefanna (ja nema útrásavíkingar sem keppast um að láta fyrirtækin rúlla á hausinn því þeir eru búnir að færar allar eigur hingað og þangað).  En það eina sem almenningur fær eru hækkanir hækkanir hækkanir...og jú lækkanir á launum...þ.e.a.s þeir sem hafa vinnu.

Maður hefur það á tilfinningunni að þeir sem stjórna hafi enga hugmynd hvað þeir eru að gera.
Sagt var að númer eitt væri að koma bönkunum upp. nú eru þeir komnir upp og enginn fær lán því flest öll veð eru ónýt og þeir sem hafa veð dettur ekki til hugar að fá lán á 25% vöxtum. Þannig að núna eru bankarnir fullir að peningum sem enginn vill eða getur fengið.

svo var það ESB, allt átti að lagast við að sækja um það... ekkert gerðist.

þá er það Icesave.....það er endavitleysa sem mun verða velt fram og tilbaka.

Það er enginn sem getur komið með lausn um það hvað eigi að gera. Enginn með áætlun sem væri skipt niður á næstu ár og okkur væri sagt á mannamáli hvað þarf að gerast til að koma okkur uppúr þessu. Ekkert. Velrekið fyrirtæki sem lendir í vandræðum það gerir plan og segir starfsfólki í smáatriðum hvað gera eigi.
Þau fyrirtæki sem ætla að leysa vandann með því að segja ekkert, leggja nýjar álögu á t.d.  matarmiðana, setja bílastæðisgjald á starfsmenn, klósett gjald o.s.frv.  Það fyrirtæki fer á hausinn því starfsfólkið segir upp og fer annað.

Mér sýnist framtíðin íslands vera þannig að hér verði ekki búandi og núna þegar maður er að lifa sín bestu ár, þá ætla ég ekki að eyða þeim í að greiða okur vexti og skuldir útrásavíkinga sem note bena lifa eins og kóngar ennþá þrátt fyrir að hafa velt yfir á almenning hundruðum miljarða skuldum. Reyndar missti röndótti ræninginn úr Landasbankanum sumarbústaðinn sinn við SKORRADAL.  Þeir hlæja allir af okkur.

Steingrímur ef þú ætlar að hækka skatta á okkur sýndu okkur þá hverju það skilar. sýndu okkur línurit eða eitthvað sem sýnir hvað er að gerast og hverju það mun skila.  
Segðu okkur hve miklu bensínhækkunin hefur skilað í kassann.
Því það væri fróðlegt að fá að vita það, því það var einhver nefndin sem var sett saman til að finna út hvernig hægt væri að draga úr eldneytis eyðslu og þeir fundu það út að eina leiðin væri að hækka verð á eldsneyti.  Þannig að það fer ekki alveg saman að auka tekjur og minnka neyslu.

Miklar skattahækkanir í farvatninu